İSESCO çərçivəsində növbəti iclasda iştirak edən Uqanda, Sudan, Liviya, Suriya və Sineqal Universitetlərinin rektor və təmsilçiləri Qafqaz Universitetini ziyarət etdilər. Azərbaycanın bu bölgənin inkişaf etmiş ölkəsinə çevrildiyini vurğulayan qonaqlar, ölkəmizdə təhsilə böyük diqqət göstərildiyini və məhz bu diqqətin inkişafın əsas təkanı olduğunu söylədilər. Qonaqlara Qafqaz Universiteti ilə tanışlıq məqsədi ilə auditoriyalar göstərildi və universitetin iş prinsipi barədə məlumat verildi. Ziyarətdən razı qaldıqlarını söyləyən qonaqlar Qafqaz Universiteti ilə əlaqələr qurmaq barəsində arzularını ifadə etdilər.