15-17 Oktyabr 2010-cu ildə üçüncüsü keçiriləcək “Qloballaşma Prosesində Qafqaz və Mərkəzi Asiya” Konqresində xüsusilə regionun iqtisadi və beynəlxalq əlaqələri müzakirə olunacaq.

Konqresin məqsədi qlobal dünya şərtlərində ortaq tarixi və mədəniyyəti bölüşən Qafqaz və Mərkəzi Asiya cəmiyyətlərinin müxtəlif universitet, akademiya və institutlarında faəliyyət göstərən elm adamlarını bir araya gətirmək, bu sayədə yaşadıqları cəmiyyətin və ümumilikdə Qafqaz və Mərkəzi Asiya regionunun mövcud şərtlərini, qarşılaşdıqları problemləri təhlil etmək, ortaq problemlərin müzakirə olunmasını və onların həll yolları üçün təkliflər irəli sürülməsini təmin etməkdir.

            Konqresdə iştirak etmək arzusunda olanlar, regionun muasir problemlərini həll etməyə yönəlmiş, nəzəri və metodoloji baxımdan müstəqil elmi məqalənin xülasəsi ən gec olaraq 15 iyul 2010-cu ilə qədər konqres katibliyinə electron poçt vasitəsilə göndərməlidir. Iqtisadiyyatla əlaqədar tezislər congress_economy@qafqaz.edu.az, beynəlxalq münasibətlərlə əlaqədar tezislər congress_ir@qafqaz.edu.az adresinə Word formatında göndərilməlidir.  Daha sonrakı qiymətləndirmədə yazıları qəbul edilmiş araşdırmaçılardan məqalələrinin tam mətni istəniləcəkdir.

Konqresə İqtisadiyyat bölməsi ilə bağlı təqdim olunacaq tezislər Azərbaycan, türk, ingilis və ya rus dillərində, beynəlxalq münasibətlər bölməsi ilə bağlı tezislər isə yalnız ingilis dilində olmalıdır.